Our Proud Students

Maine Shag Computer Center se E-commerce ka course kiya. Ye course asal mein 3 months ka tha, lekin mujhe sirf 1 month mein complete karwa diya gaya. Course ki quality bohat achi thi aur har topic ko practical tareeqay se samjhaya gaya. Mujhe ye bhi sikhaya gaya ke real market ke mutabiq kaam kaise karna hai.

Trainers bohat cooperative aur professional thay, aur har sawal ka jawab clearly diya gaya. Agar koi E-commerce seekhna aur kam waqt mein real skills hasil karna chahta hai, to Shag Computer Center ek behtareen aur trusted choice hai.

Main 4th class mein tha jab maine SHAH G Computer Centre join kiya. Us waqt mujhe computer ke baare mein bilkul bhi knowledge nahi thi. School mein bhi computer ki practical learning par zyada focus nahi hota tha.

Lekin Sir ne mujhe bohat achay tareeqay se samjhaya aur sirf 6 months mein mujhe Computer Basics, Urdu & English Typing, Windows Inststallation errors fixing, Complete Microsoft Office aur Graphic Designing tak sikha di. Sir ka teaching method bohat acha tha aur har cheez practical tareeqay se samjhayi gayi.

Aaj mujhe computer par confidently kaam karna aata hai, aur is ka credit SHAH G Computer Centre aur mere Sir ko jata hai.

Main ne 10th class ke exams diye thay aur us ke baad farigh tha, to socha ke Computer Course kar leta hoon. Main ne City Narowal mein kaafi computer academies aur institutions ke baare mein pata kiya. Zyada tar jagahon par fees bhi kaafi zyada thi aur practical learning par itni tawajjo nahi di ja rahi thi. Kuch jagahon par sirf video lectures dekhne ke liye diye jate thay.

Lekin jab main SHAH G Computer Centre mein Sufyan Sir ke paas aaya, to mujhe yahan bilkul different learning experience mila. Sir ne har cheez practical karwai aur har topic ko detail mein explain kiya. Sirf course complete nahi karwaya, balkay har problem ko solve karna, us ka logic samajhna aur practical tareeqay se kaam karna bhi sikhaya.

Sab se achi baat ye thi ke itni achi practical training bohat kam fees mein aur limited time mein complete karwai gayi. Main SHAH G Computer Centre aur Sufyan Sir ki teaching se bohat satisfied hoon.

Aap sab jo ye reviews parh rahe hain, meri aap se ek request hai ke Sir Sufyan ko sirf unki age ya experience dekh kar judge na karein. Ho sakta hai unki age aur teaching experience kam nazar aaye, lekin unke paas bohat achi knowledge aur practical skills hain.

Aap unse kisi bhi course, question, problem ya us ka logic pooch sakte hain, woh bohat achay tareeqay se samjha dete hain. Agar kisi ka lecture miss bhi ho jaye ya koi cheez bhool jaye, to Sir dobara detail ke saath samjha dete hain.

Maine SHAH G Computer Centre se Office Management aur WordPress Web Development ke courses kiye hain. Dono courses bilkul practical tareeqay se karwaye gaye. Limited time mein aur bohat kam fees ke andar mujhe complete practical training di gayi.

Mera personal experience bohat acha raha hai, aur main SHAH G Computer Centre aur Sufyan Sir ki teaching se bohat satisfied hoon.

Main ek medical student tha aur mujhe computer ke baare mein bilkul bhi knowledge nahi thi. Lekin jab maine SHAH G Computer Centre join kiya, to Sufyan Sir ne sirf 4 months mein mujhe computer par confidently kaam karna sikha diya.

Maine yahan Computer Basics se lekar Settings, Control Panel, Drivers aur Error Fixing, PC Software Installation, Google Account, Google Drive, Gmail, useful PC Apps, AI Tools, Windows 11 Pro Installation aur English & Urdu Typing tak seekha.

Is ke saath maine Office Management mein Microsoft Word, PowerPoint, Excel, Outlook, Data Entry & Analysis aur related AI Tools bhi practical tareeqay se seekhe.

Aaj main Lahore mein ek achi company mein Data Entry ki job kar raha hoon. Jo kuch bhi main aaj computer par confidently kar sakta hoon, us mein SHAH G Computer Centre aur Sufyan Sir ki training ka bohat bara role hai. Main dil se unka shukarguzar hoon.

Sufyan Sir bohat kind aur friendly hain. Woh humein bohat achay aur friendly environment mein parhate hain. Agar humein course mein se koi cheez bhool jaye ya samajh na aaye, to Sir dobara explain kar dete hain.

Jab bhi hum unse koi question poochte hain, woh patiently jawab dete hain aur har cheez ko asaan tareeqay se samjhate hain. Sir humein sirf students ki tarah nahi, balkay apne little brothers ki tarah treat karte hain.

Unka friendly nature aur teaching style humein seekhne ke liye bohat motivate karta hai.

As a female student, main yahan par bohat comfortable feel karti hoon. Girls ke liye female teachers bhi available hain jo bohat supportive aur cooperative hain.

Maine yahan Social Media aur Digital Marketing bohat achay tareeqay se seekhi hai. Teachers ne har cheez ko practical tareeqay se samjhaya aur mujhe online kaam karne ke liye proper skills di.

Aaj main online kaam kar rahi hoon aur achi earning bhi kar rahi hoon. Is mein SHAH G Computer Centre ki training aur support ka bohat bara role hai.

SHAH G Computer Centre ki fees Narowal mein mojood baqi tamam institutions aur academies ke muqablay mein kaafi kam hai. Lekin mere liye phir bhi fees afford karna mushkil tha.

Mujhe 3 months ka Shopify E-commerce course seekhna tha. Maine Sir ko ek baar apni situation batayi, to unhon ne meri problem ko samjha aur fees kam kar di.

Mere liye ye bohat helpful tha, kyun ke mujhe apni financial situation ki wajah se course chhorna nahi para. Thank you so much, SHAH G Computer Centre! ❤️